украинадин полшаға киргән панаһланғучиларниң сани тәхминән 12 милйонға йәтти

түркийә авази радийоси хәвири: полша чегра қоғдаш қисимлириниң твиттер һесабида елан қилинған байанатта, украина-русийә уруши башланғандин буйан (2022-йили 2-айниң 24-күни) көчүш долқуни көтүрүлгәнлики әскәртилди.

украинадин полшаға түнүгүн (16май) 22 миң кишиниң киргәнлики билдүрүлгән байанатта: «уруш башланғандин буйан украинадин полшаға барғанларниң сани 11 милйон 911 миңдин ешип кәтти» дейилди.

полшадин айрилған украиналиқларниң омумий саниниң болса 10 милйон 119 миң икәнлики әскәртилди.

украинадин полшаға барғанларниң %80 тин көпрәкиниң айаллар вә балилар икәнлики уқтурулди.

һазир полшада тизимға елинған 1 милйондин артуқ украиналиқ бар.

80% украиналиқлар полша хәлқиниң уларға иҗабий позитсийә тутуватқанлиқини билдүрмәктә. әмма, полшалиқларниң панаһланғучиларға болған көз қариши охшимайду. «украиналиқ панаһланғучилар йардәмгә еһтийаҗлиқ» дәп қарайдиғанларниң нисбити уруш башланғандин буйанқи %84 тин %50 кә төвәнлиди.

полшада турушлуқ украиналиқларниң %74 и өз дөлитигә қайтишни пиланлимақта.