судандики тоқунушларда 822 адәм өлди
суданда армийә тәрәп билән тез йардәм бериш күчлири оттурисида феврал ейидин буйан давамлишиватқан тоқунушларда 822 пуқра һайатидин айрилди.
түркийә авази радийоси хәвири: судан дохтурлар бирләшмиси тәрипидин елан қилинған байанатта билдүрүлүшичә, судан армийәси билән тез йардәм бериш күчлири оттурисида феврал ейидин буйан пайтәхт хартум, әлубйд вә ғәрбий дарфур өлкисиниң җунәйнә шәһири қатарлиқ районларда давамлишиватқан тоқунушларда 822 пуқра һайатидин айрилған, 3215 киши йариланған.
4-айниң 15-күни әтигәндә суданниң пайтәхти хартум вә башқа шәһәрләрдә судан армийәси билән тез йардәм бериш күчлири оттурисида қораллиқ тоқунуш башланғаниди.
судан армийәси билән тез йардәм бериш күчлири оттурисида давамлишиватқан тоқунушларға хатимә берилиши үчүн, сәуди әрәбистанниң җиддә шәһиридә тәрәпләр оттурисида өткүзүлгән сөһбәт нәтиҗисидә, 5-айниң 11-күни «җиддә байаннамәси» имзаланғаниди.
