кенийәдики өлүм розиси тутуп өлгән ачлиқ тәриқити муритлириниң сани 145 кә йәтти

түркийә авази радийоси хәвири: муритлирини өлүм розиси тутушқа риғбәтләндүрүш арқилиқ җанлиридин җуда болушини кәлтүрүп чиқарған «ачлиқ тәриқити» ни тәкшүрүш җәрйанида байқалған коллектип қәбриләрдин йеңи җәсәтләр чиқирилди.

деңиз қирғиқи районлуқ сақчи идарисиниң комиссари рода онйанча тәриқәт рәһбири паул макензи террорлуқ җинайити садир қилиш билән әйибливатқан тәкшүрүш җәрйанида, йеңи җәсәтләрниң тепилғанлиқини елан қилди.

илгири сүрүлүшичә, тәриқәтниң мәркизи малинди базирида йәнә 500 дин артуқ адәмниң из-дерики йоқ икән.

кенийә мәтбуатлириниң орган әткәсчилики қилиниватқан болуши мумкинликигә даир хәвәрлириниң көпийип қелишидин кейин башланған тәкшүрүшләр нәтиҗисидә, бир қисим кишиләрниң органлириниң еливелинғанлиқи оттуриға чиққаниди.

җәсәтләр үстидики теббий тәкшүрүшләр бир қисим балиларниң нәпәс йетишмәсликтин өлгәнликини дәлиллигәниди.

ачлиқ тәриқитиниң рәһбири макензи тәкшүрүшниң бешидики иқрари җәрйанида сақчиларға тәкшүрүш нәтиҗисидә, 1000 кишиниң җәситиниң тепилидиғанлиқини ейтқаниди.

Good News International   черкавиниң попи паул макензи нитенгениң черкавдики кишиләргә вәз ейтип, ач қелиш арқилиқ һәзрити әйса билән көрүшәләйдиғанлиқи һәққидә вәдә бәргәнлики билдүрүлгәниди.

нитенге қолға елинғандин кейин, New Life  (йеңи һайат) дуа мәркизи вә черкави попи езекийел одерому назарәт астиға елинған вә «ачлиқ тәриқити» билән мунасивәтлик җинайи қилмишларни тәкшүрүш комитети қурулғаниди.