ривандада йүз бәргән су апити вә тағ сийрилип чүшүш вәқәлиридә йүздин артуқ адәм қаза қилди

түркийә авази радийоси хәвири: риванда җиддий ишларни бир тәрәп қилиш министири мари соланге кайисире дөләтниң ғәрбий вә шималидики өлкиләрдә йағқан шиддәтлик йамғур пәйда қилған су апәтлири вә тағ сийрилип чүшүш вәқәлиридә 109 кишиниң қаза қилғанлиқини؛ қаза қилғанларниң бәзилириниң өйлиридә қапсилип қалған кишиләр икәнликини билдүрди.

издәш - қутқузуш хизмәтлириниң давам қиливатқанлиқини тилға алған кайисире, апәт нәтиҗисидә нурғун өйләрниң вәйран болғанлиқини вә деһқанчилиқ йәрлириниң талапәткә учриғанлиқини тәкитлиди.

нгорореро, рубаву, нйабиху, рутсиро вә каронги қатарлиқ районларниң апәтниң еғир тәсиригә учриғанлиқиға ишарәт қилған кайисире, еһтийаҗлиқ кишиләрни чедир билән тәминләш хизмәтлириниң башлиғанлиқини қәйт қилди.

игилинишичә, риванданиң мукамира – нгорореро вә рубаву - рутсиро йоллиридиму бузулуш әһваллири көрүлгән.