финландийә пирезиденти: зеленский билән ши җинпиңниң телефон сөһбити хушаллинарлиқ иш
финландийә президенти саули нинисто украина пирезиденти володимир зеленский билән хитай дөләт рәиси ши җинпиңниң телефонда көрүшүшиниң хушалинарлиқ иш икәнликини ейтти.
түркийә авази радийоси хәвири: украина пирезиденти володимир зеленский хитай дөләт рәиси ши җинпиң билән телефонда көрүшти.
зеленский аммиви ортақлишиш тор бетидики сәһиписидә, бу һәқтә елан қилған байанатида, мундақ деди: «хитай дөләт рәиси ши җинпиң билән телефонда көрүштүм. әһмийәтлик телефон сөһбити мувәппәқийәтлик өтти. ишинимәнки, бу телефон сөһбити вә украинаниң хитайда турушлуқ баш әлчисиниң вәзипигә тәйинлиниши икки дөләт оттурисидики мунасивәтлиримизниң күчлүк бир шәкилдә тәрәққий қилишида һәрикәтләндүргүч күч ролини ойнайду.»
украина пирезиденти володимир зеленский билән хитай дөләт рәиси ши җинпиңниң телефонда көрүшүшидин кейин, финландийә пирезиденти нинисто аммиви ортақлишиш тор бетидики сәһиписидә елан қилған байанатида, зеленскийниң байанатини һәмбәһирләп, «бу хушалинарлиқ иш» деди.
