төт тәрәп сүрийә йиғини москвада чақирилди
түркийә, русийә, бәшшар әсәд һакимийити вә иранниң муавин ташқи ишлар министирлири дәриҗилик «сүрийә» йиғинида, тәрәпләр сөһбәтләрни давамлаштуруш тоғрисида бирдәклик һасил қилди.
түркийә авази радийоси хәвири: дипломатик мәнбәләрдин игиләнгән учурларға асасланғанда, 3-4- апрел күнлири русийәниң пайтәхти москвада түркийә, русийә, бәшшар әсәд һакимийити вә иранниң муавин ташқи ишлар министирлири дәриҗилик төт тәрәплик кеңәш йиғини ечилған.
тәрәпләр келәр нөвәтлик ташқи ишлар министирлири йиғининиң тәййарлиқ хизмәтлиригә мунасивәтлик мәсилиләрни музакирә қилған؛ һәр қайси дөләтләр өзлириниң мәйдани вә көз қаришини очуқ – ашкара оттуриға қойған вә бу арқа көрүнүштә, сөһбәтләрни давамлаштуруш тоғрисида келишкән.
русийә ташқи ишлар министири сергей лавров ечилиш нутқи сөзлигән йиғинда, түркийә вәкилләр өмикигә муавин ташқи ишлар министири бурақ акчапар рийасәтчилик қилған.
йиғинға русийәгә вакалитән пирезидент владимир путинниң оттура шәрқ вә африқа дөләтлири алаһидә вәкили михайил богданоф, иранға вакалитән иран ташқи ишлар министириниң сийасий ишлар мәслиһәтчиси әли әсғәр һаҗи вә бәшшар әсәд һакимийитигә вакалитән муавин ташқи ишлар министири әймән сусан қатнашқан.
йиғин йепиқ шәкилдә өткүзүлгән.
