йәмәндә бир айдила 3316 мина вә  партлатқучлар тазиланди

түркийә авази радийоси хәвири: йәмәнниң рәсмий хәвәр агентлиқи «SABA» ниң хәвәр қилишичә, сәуди әрәбистан башлиған «мина тазилаш лайиһәси» (MASAM) рамкисида, иранниң қоллиши астидики хусийлар тәрипидин орунлаштурулған мина вә партлатқучларни тазилаш хизмити давамлашмақта.

март ейида елип берилған хизмәтләр даирисидә, йәмәнниң охшимиған районлиридики 516 кивадрат километирлиқ җайдин 3316 мина вә партлатқуч тазиланған болуп, 2018 – йилидин буйан йәмәндә җәмий 383 миң 22 мина вә партлатқуч тазиланған.

хәвәрдә, «мина тазилаш лайиһәси» (MASAM)  даирисидә, йәмәндә 45 милйон 367 миң кивадрат метирлиқ җайниң партлатқучлардин тазиланғанлиқи билдүрүлди.

йәмән һөкүмити вә кишилик һоқуқ доклатиға асасланғанда, иранниң қоллиши астидики хусийлар 2014-йили ички уруш башланғандин буйан мәмликәт миқйасиға 2 милйонға йеқин мина орунлаштурған. бу миналар миңлиған пуқраларниң өлүшигә йаки йарилинишиға сәвәб болған.

кишилик һоқуқ тәшкилатлириниң мөлчәрлишичә, йәмәндә көпинчиси айаллар вә балилар болуп,  8000 дин артуқ киши миналарниң зийанкәшликигә учриған.