америкада мексикаға бармаслиқ тоғрисида агаһландуруш чиқирилди
американиң тексас иштати мәсуллири америка пуқралирини бихәтәрлик әндишәлири сәвәбидин баһар пәсиллик дәм елиш вақтида мексикаға бармаслиқ тоғрисида агаһландурди.
түркийә авази радийоси хәвири: тексас җамаәт хәвпсизлик идариси мексикаға барғанлар үчүн зәһәрлик чекимлик әткәсчиликигә четишлиқ зораванлиқ вәқәлириниң хәтәрлик икәнликини билдүрди.
тексас җамаәт хәвпсизлик идарисиниң башлиқи стевен м к кров (Steven McCraw) мексикадики зәһәрлик чекимликкә мунасивәтлик зораванлиқ вәқәлири үстидә тохтилип: «кишиләрни бу мәзгилдә мексикаға сайаһәткә бармаслиққа чақиримиз» деди.
бу агаһландуруш, өткән һәптә төт америкалиқ мексика чеграсидин өтүп узун өтмәйла гөрүгә тутуп кетилгәндин кейин елан қилинди. тутуп кетилгән америкалиқлардин иккиси өлтүрүлгән болуп, иккиси қойуп берилгән иди.
бир базарда кийим-кечәк сетиш үчүн мексикаға барған үч нәпәр америкалиқ айалниңму икки һәптидин артуқ вақиттин буйан из-дерикиниң йоқлуқи билинмәктә.
