исраилийә әскәрлири үч пәләстинликни өлтүрди

түркийә авази радийоси хәвири: исраилийә әскәрлири ишғал астидики  ийордан дәрйасиниң ғәрбий қирғиқиға җайлашқан җенин шәһиригә һуҗум қилди.

исраилийә әскәрлири җенин шәһириниң җаба кәнти әтрапидики әлфәввара райониға өгзиләргә мәргәнләрни орунлаштуруп һуҗум қилип, үч пәләстинликни өлтүрди.

исраилийә армийәси бу йилниң башлиридин буйан пәләстинликәр көп санлиқни тәшкил қилидиған ишғал астидики  ийордан дәрйасиниң ғәрбий қирғиқиниң охшимиған җайлириға һуҗум қилиш вә тутқун қилиш һәрикитини күчәйтти.

игилинишичә, исраилийә әскәрлири һуҗумларға наразилиқ билдүргән пәләстинликләргә оқ чиқириш арқилиқ мудахилә қилидикән.  

ийордан дәрйасиниң ғәрбий қирғиқининиң шималидики болупму җенин вә наблус қатарлиқ районлардики пәләстинлик қораллиқ гуруппилар билән исраилийә әскәрлири оттурисида даим дегүдәк тоқунушлар йүз беридикән.