شويگۇ جەڭ قىلىۋاتقان ھەربىي قىسىملارنى كۆزدىن كەچۈردى

تۈركىيە ئاۋازى رادىيوسى خەۋىرى: رۇسىيە دۆلەت مۇداپىئە مىنىستىرلىقى بايانات ئېلان قىلىپ، مىنىستىر شويگۇنىڭ «ئالاھىدە ھەربىي ھەرىكەت» رايونىنىڭ جەنۇبىي دونېتىسكى يۆنىلىشىدىكى «شەرق» ھەربىي قىسىملىرىنىڭ ئالىي قوماندانلىق مەركىزىنى كۆزدىن كەچۈرۈپ، قىسىملارنىڭ قوماندانى پولكوۋنىك رۇستام مۇرادوۋ ۋە باشقا ئوفىتسېرلاردىن ھازىرقى ۋەزىيەت ۋە قىسىملارنىڭ ھەرىكىتى ھەققىدە مەلۇمات ئىگىلىگەنلىكىنى بىلدۈردى.

شويگۇ قىسىملارنى بىخەتەر ئورۇنلاشتۇرۇش ۋە ھەر تەرەپلىمە تەشكىللەشنىڭ مۇھىملىقىنى ئەسكەرتىپ، سەھىيە ۋە ئالدىنقى سەپتىكى خىزمەتلەرنىڭمۇ مۇھىملىقىنى تەكىتلىدى.

ئۇنىڭدىن باشقا، مىنىستىر شۇيگۇ بىر قىسىم ئەسكەرلەرگە مېدال بەردى.