исраилийә әскәрлири бир балини өлтүрди
исраилийә әскәрлириниң ишғал астидики ийордан дәрйасиниң ғәрбий қирғиқида елип барған һуҗуми давамида пәләстинлик бир бала җенидин айрилди, бир балини өз ичигә алған икки пәләстинлик йариланди.
1954362
түркийә авази радийоси хәвири: шаһитларниң билдүрүшичә, исраилийә әскәрлири ийордан дәрйасиниң ғәрбий қирғиқиниң шималиға җайлашқан қалқилйа райониға қарашлиқ аззун кәнтигә һуҗум қилған.
һуҗумға наразилиқ билдүргән пәләситнликләр билән исраилийә әскәрлири оттурисида шиддәтлик тоқунуш йүз бәргән.
пәләстин сәһийә министирлиқиниң билдүрүшичә, исраилийә әскәрлириниң һуҗуми әснасида 15 йашлиқ муһәммд нидал селим дүмбисигә оқ тегип һайатидин айрилған, йәнә бир бала болса көксигә оқ тегип еғир йариланған.
исраилийә әскәрлири йәнә бир пәләстинлик йашни йариландурған.
шуниң билән, бу йилниң башлиридин буйан ишғал астидики җайларда исраилийә армийәси вә йәһудий көчмәнләрниң оқ чиқириши нәтиҗисидә һайатидин айрилған пәләстинликләрниң сани 68 гә йәткән.
