виладимир путин ваң йи билән көрүшти
русийә пирезиденти владимир путин хитай коммунистик партийәси ташқи мунасивәтләр мәркизи комитетиниң мудири ваң йи билән көрүшти.
түркийә авази радйоси хәвири: путин москвадики пирезидиентлиқ сарийи кремилда өткүзүлгән учришишита, русийә билән хитай мунасивитиниң тәрәққий қилишни давамлаштуруватқанлиқини ейтти.
путин икки дөләт мунасивитиниң һәммә саһәдә илгириләватқанлиқини билдүрүп: «русийә - хитай мунасивити илгирики йилларда пиланланлиғинимиздәк давамлишиватиду. һәммә иш кәлгүсигә йөнилишлик болуп, йеңи мусапиләрни бесип өтмәктимиз» деди.
путин русийә билән хитай мунасивитиниң хәлқара сәһниләрдиму муһим әһмийәткә игә икәнликини тәкитләп: «бүгүнки күндики хәлқара мунасивәтләр икки қутуплуқ система йимирилгәндин кейин йахши һалға келип бақмиди. хитай билән русийәниң һәмкарлиқи хәлқара вәзийәтни муқимлаштуруш үчүн интайин муһим» деди.
русийә билән хитайниң бирләшкән дөләтләр тәшкилати хәвпсизлик кеңиши, «BRICS дөләтлири» (биразилийә, русийә, һиндистан, хитай вә җәнубий африқа җумһурийити) гуруһи вә шаңхәй һәмкарлиқ тәшкилати асасидики һәмкарлиқниму давамлаштуруватқанлиқини билдүргән путин, хитай пирезиденти ши җинпиңниң пат йеқинда русийәни зийарәт қилишини күтүватқанлиқини ейтти.
ваң йиму хәлқара вәзийәтниң мурәккәп икәнликини әскәртип, «хитай - русийә мунасивити хәлқараниң бесимиға көрәк кирди вә муқим һалда илгирилимәктә» деди.
у көп қутуплуқ дунйа вә хәлқара мунасивәтләр техиму демократик болидиған дунйа тәртипни қоллайдиғанлиқини тәкитләп: «русийә билән бирликтә дөлитимизниң мәнпәәтини капаләткә игә қилиш үчүн техиму иҗабий рол елиштики сийасий ирадимизни намайан қилишқа, өзара сийасий ишәнчни чоңқурлаштурушқа, истратегийәлик һәмкарлиқ вә өзара тәсирни кеңәйтишкә тәййармиз» деди.
ваң йи москвадики зийарити даирисидә, русийә ташқи ишлар министири сергей лавроф биләнму көрүшкән иди.
