русийә йадро қоралларни азайтиш шәртнамисини тоңлатқанлиқини билдүрди
русийә «йадро тәңпуңлуқини сақлаш» үчүн йеңи истратегийәлик қоралларни азайтиш шәртнамиси «старт» (START) қа қатнишишни вақтинчә тоңлатқанлиқини билдүрди.
түркийә авази радйоси хәвири: русийә пирезидентлиқ сарийи кремилниң байанатчиси димитрий песков дөләтниң қоллииши астидики «RT» қанилиға бәргән байанатида, русийәниң америка билән түзгән вә қитәләр ара йадро баллистик башқурулидиған бомба иқтидарини чәкләшни мәқсәт қилидиған йеңи «старт» (START) шәртнамисиға қатнишишни вақтинчә тоңлатқанлиқи үстидә тохталди.
песков русийәниң йеңи «старт» шәртнамисидин чекинип чиқмиғанлиқини әскәртип: «русийә пирезиденти виадимир путинму русийәниң шәртнамидин чекинмигәнликини, әмма вақтинчә тоңлатқанлиқини тәкитлиди» деди.
песков америка вә башқа дөләтләр шәртнамидә чиң туруватқан тәкшүрүш шәртлириниң қобул қилишқа болмайдиған дәриҗидә икәнликини билдүрүп: «бу шәртләр шималий атлантик әһди тәшкилати-натому күнсери ичигә кириватқан бүгүнки тоқунуш муһитида мумкин әмәс, униң үстигә натому бу шәртнамигә қатнашқанлиқини илгири сүрмәктә» деди.
димитрий песков русийәниң башқа дөләтләрниң йадро иқтидариниму нәзәрдә тутуш керәкликини билдүрүп: «германийә билән фирансийәниң йадро иқтидариниму һесабқа қошушимиз лазим, буму интайин муһим. пирезидентимиз вә дөлитимизниң асаслиқ мәқсити йадро тәңпуңлуқиниң давамлишишиға капаләтлик қилиштур» деди.
