антони блинкен бенйамин нетанйаһуға «икки дөләтлик һәл қилиш чариси» ни тәкитлиди

түркийә авази радийоси хәвири:америка ташқи ишлар министирлиқи байанатчиси нед пайис елан қилған йазма байанатида, блинкенниң телефонда нетанйаһу билән сөһбәтләшкәнликини, американиң пәләстин-исраилийә тоқунушиға мунасивәтлик «икки дөләтлик һәл қилиш чариси» ни әскәрткәнликини билдүрди.

байанатта, «ташқи ишлар министири антони блинкен бүгүн исраилийә баш министири бенйамин нетанйаһу билән сөһбәтлишип, икки дөләтлик һәл қилиш чарисини қоллайдиғанлиқимизни вә униң иҗра қилинишиға зийан йәткүзидиған сийасәтләргә қарши туридиғанлиқимизни қайта тәкитлиди. у йәнә, исраилийәликләр вә пәләстинликләрниң хатирҗәмликини әслигә кәлтүрүш үчүн муһим қәдәмләрниң ташлиниши керәкликини вә җиддий вәзийәтни техиму кәскинләштүрүветидиған бир тәрәплимә тәдбирләргә күчлүк қарши туридиғанлиқимизни уқтурди» дейилди.

блинкен билән нетанйаһуниң сөһбитидә, иран шәкилләндүргән тәһдитләрниму өз ичигә алған һалда техиму кәң район характерлик мәсилиләрниң музакирә қилинғанлиқи һәмдә американиң исраилийәниң бихәтәрликигә болған «күчлүк вәдиси» ни тәкитлигәнлики уқтурулди.