йавропа иттипақи иранда әли риза әкбәриниң өлүм җазаси иҗра қилинғанлиқиға наразилиқ билдүрди
йавропа иттипақи иранда җинайити билән өлүм җазасиға һөкүм қилинған иран-әнглийә қош пуқраси шундақла сабиқ дөләт мудапиә министири әли риза әкбәриниң өлүм җазасиниң иҗра қилинғанлиқини қаттиқ әйиблиди.
түркийә авази радийоси хәвири: йавропа кеңишиниң йазма байанатида, йавропа иттипақиниң әли риза әкбәриниң өлүм җазасиниң иҗра қилинишини әң күчлүк әйиблигәнлики вә һәр қандақ әһвалда өлүм җазасиға қарши икәнлики тәкитләнди.
байанатта, әли риза әкбәриниң аилисидикиләргә тәзийә билдүрүлди вә бу мәсилидә йавропа иттипақиниң әнглийә билән һәмкарлишиватқанлиқи тәкитләнди.
байанатта, «бир йавропа пуқрасиниң өлүм җазасиға һөкүм қилиниши вә иҗра қилиниши йавропа иттипақи йеқиндин көзитидиған қорқунчлуқ мисалдур» дейилди.
йавропа иттипақиниң иранни кәлгүсидә өлүм җазасидин узақ турушқа вә өлүм җазасини бикар қилиш җәһәттә изчил сийасәт қоллинишқа чақиридиғанлиқи уқтурулди.
әли риза әкбәриниң өлүм җазаси шәнбә күни (2023-йили 14-йанвар) иҗра қилинған иди.
әли риза әкбәри иран тоғрисидики сәзгүр учурларни әнглийәгә йәткүзгән, дәп әйибләнгән иди.
