исраилийә күчлири бир пәләстинликни йариландурди
исраилийә күчлириниң ийордан дәрйасиниң ғәрбий қирғиқидики бастуруш һәрикәтлири давамида бир пәләстинлик йариланди, 15 пәләстинлик қолға елинди.
түркийә авази радийоси хәвири: шаһитларниң билдүрүшичә, исраилийә дөләт хәвпсизлик күчлири, наблус шәһириниң шәрқидики «балата мусапирлар лагери» ға бесип кирип, лагер әтрапидики бир өйниң әтрапини қоршиған. бу җәрйанда исраилийә күчлири билән онларчә пәләстинлик оттурисида тоқунуш йүз берип, бир пәләстинлик йариланған.
пәләстин қизилай җәмийитиниң билдүрүшичә, исраилийә күчлири йариландурған 20 йашлаш чамисидики пәләстинлик, руфәйдә дөләт дохтурханисиға орунлаштурулған болуп, әһвали еғир икән.
пәләстин әсирләр җәмийитиниң билдүрүшичә, ийордан дәрйасиниң ғәрбий қирғиқиниң охшимиған районлирида 15 пәләстинлик қолға елинған.
игилинишичә, исраилийә дөләт хәвпсизлик күчлири, ишғал астидики ийордан дәрйасиниң ғәрбий қирғиқи вә шәрқий қуддуста пат - пат бастуруш һәрикәтлирини елип баридикән, һәмдә пәләстинликләрни һәр хил җинайәтләр билән әйибләп, тутқун қилидикән.
