ماراكەش پادىشاھى يۈزلەرچە تۇتقۇن ۋە مەھبۇسنى كەچۈرۈم قىلدى

تۈركىيە ئاۋازى رادىيوسى خەۋىرى: ماراكەش ئەدلىيە مىنىستىرلىقى يازما بايانات ئېلان قىلىپ، ھەر خىل جىنايەتلەر بىلەن ئەيىبلەنگەن 707 تۇتقۇن ۋە 284 مەھبۇسنىڭ پادىشاھ ئالتىنچى مۇھەممەدنىڭ كەچۈرۈم قارارىدىن بەھرىمەن بولغانلىقىنى ئۇقتۇردى.

ماراكەشتە ئالاھىدە كۈنلەرنىڭ ئەنئەنىسىگە ئايلانغان پادىشاھ كەچۈرۈمنامىسى سايىسىدا بەزى مەھبۇسلار قويۇپ بېرىلىدۇ، بەزى مەھبۇسلارنىڭ جازا مۇددىتى قىسقارتىلىدۇ.

ماراكەش مىللىي ئازادلىق ھەرىكىتى بىلەن ئەينى ۋاقىتتا سۈرگۈندە ياشاۋاتقان پادىشاھ بەشىنچى مۇھەممەد بىرلىكتە تەييارلىغان ھۆججەتلەر «ماراكەشنىڭ مۇستەقىللىق ھۆججىتى» دەپ ئاتىلىدۇ. مەزكۇر ھۆججەتلەر 1944-يىلى 11-يانۋار فىرانسىيە مۇستەملىكىچى ئورگانلىرىغا سۇنۇلغان، كېيىنچە ماراكەشنىڭ مۇستەقىللىقى ئۈچۈن تۇنجى رەسمىي قەدەم تاشلانغان 11-يانۋار دەم ئېلىش كۈنى قىلىپ بېكىتىلگەنىدى.