исраилийәдә һөкүмәт қурулди
исраилийәдә 1 – нойабир күни өткүзүлгән сайламдин кейин һөкүмәт қуруш вәзиписи тапшурулған ликуд партийәси рәһбири бенйамин нетанйаһу, пирезидент исһақ һерзогқа ички кабент тәшкил қилғанлиқи тоғрулуқ мәлумат бәрди.
түркийә авази радийоси хәвири: бенйамин нетанйаһу 12-айниң 21-күни йерим кечидә һөкүмәт тәшкилләш вақти тошуштин бир нәччә минут илгири һерзогқа телефон қилип, һөкүмәт қурғанлиқини ейтти.
мәлуматларға қариғанда, бенйамин нетанйаһуниң ички кабент әзалири тизимликини дәрһал елан қилиши шәрт әмәс икән.
исраилийә таратқулириниң хәвәр қилишичә, йеңи ички кабент үчүн парламентқа болған ишәнч йиғининиң 2 – йанвар күни (2023) өткүзүлүши күтүлмәктә икән.
йеқинқи йиллардин буйан муддәттин бурун сайлам өткүзүш вә бирләшмә һөкүмәт кhризисиға петип қалған исраилийәдә, сабиқ баш министир вә өктичи рәһбәр нетанйаһу башчилиқидики оң қанат гуруппидики партийәләр 120 кишилик парламентта 64 вәкилгә еришкәниди.
пирезидент һерзог 13 – нойабир күни (2022) нетанйаһуға һөкүмәт қуруш вәзиписи тапшурғаниди.
игилинишичә, йеңи һөкүмәт исраилийәниң сийасий тарихидики «әң оң қанат» һөкүмәт болуп қалидикән.
