елон маск доналд трампниң тақивитилгән твиттер һесабини ачидиған болди
елон маск сабиқ америка пирезиденти доналд трампниң тақивитилгән твиттер һесабини қайта ачидиған болди.
түркийә авази радийоси хәвири: иҗтимаий алақә суписи твиттерниң йеңи хоҗайини елон маск, 2021 - йили 6 - йанварда йүз бәргән палатаға бесип кириш вәқәсидин кейин тақивитилгән доналд трампниң твиттер һесабиниң қайтидин ечилидиғанлиқини елан қилди.
елон маск 18 - нойабир «тирампниң һесабини қайтуруп бериш керәкму?» дегән соал билән тивиттерда рай синаш башлиди.
елон маск рай синаш нәтиҗисини елан қилип, %52 абонтниң «һәә» дәп беләт ташлиғанлиқини билдүрди.
елон маск: «хәлқ сөзини қилди, трамп қайтип келиду» дегән учурни һәмбәһирләп, «хәлқниң авази, тәңриниң авазидур» дегән мәнини билдүридиған латинчидики «Vox Populi, Vox Dei» дегән сөзни ишләтти.
твиттер 2021 - йили 6 – йанварда йүз бәргән палатаға бесип кириш вәқәсидин кейин, 2021 - йили 9 - йанварда сабиқ америка пирезиденти доналд трампниң һесабини мәңгүлүк тоңлатқанлиқини елан қилған иди.