пфизер-бионтек вә модерна ваксинилири 6 айлиқ чоң балиларға тәвсийә қилинди
йавропа иттипақи тәвәликидә пфизер-бионтек вә модерна ширкәтлириниң ковид-19 ваксинилири 6 айлиқтин чоң балиларға тәвсийә қилинди.
түркийә авази радийоси хәвири: йавропа иттипақи дора назарәт қилип башқуруш оргини, 6 айлиқтин ашқан балиларға «комернейти» вә «спикевакс» ваксинилириниң әмлинишини тәвсийә қилди.
йавропа иттипақи дора назарәт қилип башқуруш оргининиң йазма байанатиға қариғанда, ваксинилар ковид-19 ниң әсли варийантини нишан қилидикән.
пфизер-бионтек ширкитиниң «комирнейти» ваксиниси төт айлиқтин алтә йашқичә болған балиларға؛ модерна ширкитиниң «спикевакс» ваксиниси бәш йашқичә болған балиларға тәвсийә қилиниду.
дәсләпки икки қута дориниң үч һәптә айрилиқ қойуп әмлинидиғанлиқи, үчинчи қутиниң болса, иккинчи қута дора әмлинип аз дегәндә сәккиз һәптә өткәндин кейин әмлинидиғанлиқи билдүрүлди.
йавропа иттипақи дора назарәт қилип башқуруш оргининиң ваксинилар вә дориларни тәкшүрүш нәтиҗисидә чиқарған қарарлири йавропа иттипақи комитетиниң тәстиқидин өткәндин кейин күчкә игә болиду.
