русийәдә сәпәрвәрлик рамкисида 200 миңдин артуқ киши қоралландурулған

түркийә авази радийоси хәвири:русийә дөләт мудапиә министири сергей шойгу һәрбий мәсуллар билән ачқан йиғинда, русийәдә өткән ай елан қилинған қисмән сәпәрвәрлик тоғрисида мәлумат бәрди.

у: «бүгүнгичә 200 миңдин артуқ киши қоралландурулди» деди.

у қоралландурулған кишиләр арисида пидаийларниңму барлиқини әскәртип, 80 район вә алтә һәрбий тәлим-тәрбийә мәркизидә тәрбийәлиниватқанлиқини қәйт қилди.

у: «әскәрләр зөрүр тәрбийәлинишни ахирлаштурғандин кейин, алдинқи сәпкә әвәтилиши, сәпәрвәрлик басқучи контрол астида тутулуши керәк» деди.

у русийәдә мәҗбурий әскәрликкә елиш вақтиниң нойабирда башлинидиғанлиқини, бу мәзгилдә йәнә 120 миң кишиниң әскәрликкә елинидиғанлиқини әскәртти.

у мундақ деди:

«әскәрликкә елинғанлар, алаһидә һәрбий һәрбий қисимға тәвә болмиған қисимларға әвәтилиду.»

русийә пирезиденти владимир путин 21-сентәбир қисмән сәпәрвәрлик елан қилған иди. сергей шойгу у вақитта, 300 миң запас әскәрниң әскәрликкә чақирилидиғанлиқини билдүргән иди.