иран әнглийә билән норвегийәгә наразилиқ билдүрди

түркийә авази радийоси хәвири: иран әнглийә билән норвегийәниң теһранда турушлуқ баш әлчилирини маһса әмининиң өлүмидин кейин йүз бәргән вәқәләр тоғрисида ташқи ишлар министирлиқиға чақирди.

иран ташқи ишлар министирлиқиниң йазма байанатида, әнглийә баш әлчиси симон шерклифниң (Simon Shercliff) «б б с парсчә» вә «иран интернашинел» қаналлириниң иранға қарши паалийәтлири сәвәбидин министирлиққа чақирилип наразилиқ билдүрүлгәнлики қәйт қилинди.

байанатта, бу хилдики ахбаратларниң «иранниң ички ишлириға арилишиш» вә «дөләтниң игилик һоқуқиға хилаплиқ қилиш» болидиғанлиқини әскәртилди.

норвегийәниң теһранда турушлуқ баш әлчиси сигвалд хавгениңму (Sigvald Hauge) норвегийә парламент башлиқиниң ирандики вәқәләр тоғрисида қилға скзлири сәвәбидин министирлиққа чақирилғанлиқи билдүрүлди.

иран пайтәхти теһранда 13-сентәбир (2022) «әхлақ сақчилири» дәп атилидиған «иршад чарлиғучилири» тәрипидин тутқун қилинғандин кейин әһвалида өзгириш болғанлиқи сәвәбидин дохтурханиға апирилған маһса әмининиң 16-сентәбирдә җенидин айрилиши, дөләт миқйасида наразилиқларға сәвәб болған иди.

маһса әмининиң 17-сентәбирдә йурти саккиз шәһридә өткүзүлгән дәпнә мурасимидин кейин башланған намайишлар, қисқа вақит ичидә нурғун шәһәрләргә кеңәйгән иди.