әнглийәдики йемәклик киризиси сәвәбидин кичик балилар өчүргүч йемәктә
әнглийәдә йемәклик киризиси йүз бериватқан болуп, кичик балиларниң қорсиқи ачқанда өчүргүч йегәнлики йаки чүшлүк тамақ йейишкә қурби йәтмигәнлики үчүн ойун мәйданиға йошурунувалғанлиқи билдүрүлди.
түркийә авази радийоси хәвири: әнглийәдә йемәклик киризиси йүз бериватқан болуп, кичик балиларниң қорсиқи ачқанда өчүргүч йегәнлики йаки чүшлүк тамақ йейишкә қурби йәтмигәнлики үчүн ойун мәйданиға йошурунувалғанлиқи билдүрүлди.
«The Guardian» гезитиниң мәмликәт миқйасидики мәктәп мудирлири тәййарлиған доклатни мәнбә қилған хәвиридә, «кичик балилар қорсиқи ачқанда өчүргүч йемәктә йаки чүшлүк тамақ йейишкә қурби йәтмигәнлики үчүн ойун мәйданиға йошурунувалмақта» дейилди.
енергийә баһасиниң өрлиши аилиләрни иссиниш билән балилириниң йемәклик хираҗити оттурисида таллашқа мәҗбурлаватқанлиқи қәйт қилинған хәвәрдә йәнә, пайтәхт лондонниң шәрқий җәнубидики левишамға җайлашқан бир мәктәп мудирлиқиниң, хәйр-сахавәт оргинидин һәқсиз чүшлүк тамақ йейиш салаһийитигә еришәлмигәнлики вә достлириниң тамиқи йоқлуқини билип қелишини халимиғачқа, қуруқ тамақ қутисидин тамақ йәватқандәк һәрикәтләрни қилишқа мәҗбур болған бир өсмүр һәққидики мәлуматларға орун бәргәнлики уқтурулди.
йемәклик йардими тәшкилатлири болса, аилиләрниң йемәклик йардими тәлипини қандурушта қийинчилиққа дуч келиватқанлиқлирини билдүрмәктә.
