елон маск иран хәлқини тосалғусиз интернет мулазимити билән тәминләйдиған болди
иранда хәлқниң интернеткә еришиши чәкләнгәндин кейин, елон маск иран хәлқини тосалғусиз интернет мулазими билән тәминләйдиған сүний һәмраһ интернет системиси «Starlink» ни рәсми ишқа кириштүрди.
түркийә авази радийоси хәвири: американиң иран хәлқигә сунулған сүний һәмраһ интернет мулазимитиниң даирисини кеңәйтиш үчүн бәргән иҗазәтнамиси елан қилинғандин кейин, елон маск сүний һәмраһ интернет системиси «Starlink» ни рәсми ишқа кириштүрди.
елон маск америка ташқи ишлар министири антоний биллинкенниң бу һәқтики тивиттер йазмисиға җаваб берип, «биз <Starlink> ни ишқа кириштүрдуқ» деди.
америка малийә министирлиқиниң байанатида, ирандики интернет әркинликини қоллаш нисбитини ашуруш мәқситидә мәзкур омумий иҗазәтнаминиң елан қилғанлиқи билдүрүлгән иди.
байанатта иранда алдинқи һәптә махса әмининиң «йағлиқ артиш қаидисигә әмәл қилди» дегән баһанә билән қолға елиниши сәвәбидин йүз бәргән намайиштин кейин, иран һөкүмитиниң интернеткә чәклимә қойғанлиқи әскәртилип, иран хәлқигә учурниң әркин еқишини вә пакитни асас қилған учурларға еришишни қоллаш үчүн американиң һәрикәткә өткәнлики билдүрүлгән иди.
сүний һәмраһ интернет системиси «Starlink», аләм бошлуқни асас қилип йиллардин буйан тәтқиқ қилип йасап чиққан «SpaceX» сүний һәмраһиниң дунйаниң интернет мулазимити йетәрсиз районлириға торға чиқиш қулайлиқи йаритип беришни нишан қилидиған система икәнлики мәлум.
елон маск «SpaceX» вә «Starlink» суний һәмраһлири арқилиқ йәр шари орбитисида 12 миң сүний һәмраһ тори қурушни пиланлимақта вә лайиһәниң 2027 - йили тамамлинишини нишан қилмақта.
