иранда «SU-22» типлиқ айропилан чүшүп кәтти

түркийә авази радийоси хәвири: иран инқлабий муһапизәтчиләр һава армийә қисминиң «SU-22» типлиқ уруш айропилани техникилиқ кашила түпәйлидин чүшүп кәтти.

иран ирна (İRNA) агентлиқиниң хәвиридә көрситилишичә, инқлабий муһапизәтчиләр һава армийә қисми байанат елан қилип, «SU-22» типлиқ уруш айропилани вәзипә иҗра қиливатқанда техникилиқ кашила пәйда болғанлиқини, учқучиниң айропиланни туралғу районниң сиртиға һәйдигәнликини билдүргән.

қәйт қилинишичә, айропилан чүшүп кәткән, учқучи бихәтәр қутулған вә вәқәдә һечқандақ өлүм-йетим һадисиси көрүлмигән.