калифорнийә саһиллирини өлүк белиқ бесип кәтти
американиң ғәрбий деңиз қирғиқиға җайлашқан калифорнийә иштати деңиз қирғақлирида зәһәрләнгән миңлиған өлүк белиқлар саһилға чиқип қалди.
түркийә авази радийоси хәвири: калифорнийәниң болупму санфирансиско қолтуқи дәп атилидиған деңиз қолтуқи районида, деңизниң һәддидин зийадә булғиниши вә судики оксиген миқдариниң азийиши нәтиҗисидә, деңиз саһилини қаплиған кәң көләмлик белиқ өлүмлири көрүлди.
«San Francisco Baykeeper» намлиқ муһит асраш пидаийлири тәшкилатиниң тор бетидә, «йазниң бешида пәйда болидиған йүсүнлишиш зорайди. һазир шималий, җәнубий вә оттура сан фирансиско қолтуқи әтрапидики қирғақларға еғир тәсир көрсәтмәктә» дейилди.
байанатта, су тәркибидики оксигенни истемал қилип, зәһәрлик маддиларни ишләпчиқиридиған йүсүнләрниң сан фирансиско қолтуқида онмиңлиған белиқниң кәң көләмдә өлүшини кәлтүрүп чиқарғанлиқи, йүсүнләрниң инсанларға җиддий хәтәр елип кәлмисиму, белиқларға вә йавайи һайванларға зийан йәткүзидиған токсинларни (зәһәрлик маддиларни) тарқитидиған зийанлиқ түр икәнлики билдүрүлди.
байанатта пуқраларниң инсанлар вә әрмәк һайванларниң саламәтликкә болған тәсири тоғрисидики ениқсизлиқни көздә тутқан һалда, зәһәрлик йүсүнләрниң тәсиригә учриған районларда тутулған белиқларни, болупму қулулә белиқини истемал қилиштин еһтийат қилиши тәвсийә қилинди.
