зелениский донбас вәзийитиниң йәнила еғир икәнликини билдүрди

түркийә авази радийоси хәвири: виладимир зеленский өзиниң телеграмма адресида һәмбәһрилигән син көрүнүшлүк учурида, дөлитиниң шәрқидики алдинқи сәпләрниң нөвәттики вәзийитини тилға елип, болупму донетсики вә харкив тәрәплиридики вәзийәтниң йәнила еғир икәнликини, шундақ болушиға қаримай, украина армийәсиниң «нурғун кишиләрниң һайатини қурбан қилиш» бәдилигә русийәниң бу йәрдики һуҗумлириға тақабил турушни давамлаштуруватқанлиқини билдүрди вә сөзини давамлаштуруп: «донбасниң вәзийити йәнила интайин начар, армийәмиз русийә террорлуқини тосуш вә таҗавузчиларни имканийәтниң йетишичә әң еғир талапәткә учритиш үчүн барлиқ амалларни қиливатиду» дегәнләрни қәйт қилди.

русийә қисимлириниң диққитини харкивға қаратқан һуҗумлирини күчәйтишкә мәркәзләштүргәнликини тилға алған зеленский, бу йәрдиму шиддәтлик тоқунушларниң йүз бәргәнликини билдүрди.

у, украина армийәсиниң техиму көп қоралға моһтаҗ икәнликини тәкитләп: «биз һәр күни тохтавсиз һалда алдинқи сәпләргә техиму күчлүк вә йирақ мусапилик системиларни әвәтиш үчүн қорал толуқлашқа тиришиватимиз. шериклиримиздин йардәм пиланлири тоғрисида хуш хәвәрләрни күтүватимиз» деди.