хитайниң тәйвән хәлқини «қайта тәрбийәләш» пилани барму қандақ?

түркийә авази радийоси хәвири: хитайниң парижда турушлуқ баш әлчиси лушайе фирансийә б ф м т в қанилиниң «BFMTV» мәхсус пирограммисиға қатнишип, йеқинқи күнләрдә тәйвәнгә мунасивәтлик оттуриға чиққан җиддийчиликләр тоғрисида тохталди.

у хитайниң тәйвәнгә қарши һәрбий һәрикәт башлаш еһтималиниң барлиқини билдүрүп, униң тәйвәнликләргә қарши һәрикәт болмайдиғанлиқини әскәртти.

у тәйвән хәлқиниң меңисиниң йуйулғанлиқини илгири сүрүп: «бирлишиштин кейин, уларни қайтидин тәрбийәләймиз. у чағда тәйвән нопуси бирлишишни қоллайдиған болиду, тәйвәнликләр йәнә вәтәнсөйәр болиду, дәп ойлаймән» деди.

у рийасәтчиниң «тәһдит селиш арқилиқму?» дегән соалиға: «тәһдит селиш билән әмәс, қайтидин тәрбийәләш билән» дәп җаваб бәрди.

у 20 йил илгири көпинчә тәйвәнликниң тәйвәнниң хитайниң бир парчиси болушни қоллайдиғанлиқини тәкитләп: «демократийәни илгири сүрүш партийәсиниң хитайға қарши тәтүр тәшвиқат қилиши сәвәбидин, бүгүн аралдики хәлқ бирлишишқа қарши чиқмақта» деди.

у америка авам палатаси башлиқи нәнси пелоси ханимниң тәйвән зийарити тоғрисида тохталғанда, «наһайити көп хәтәрләрни вә киризисларни пәйда қилғанлиқи» ни билдүрди.

у ахирида, җиддийчиликни улғайтқан тәрәпниң хитай әмәс, пелоси ханимниң тәйвән зийарити болғанлиқини тәкитләп, бу иғвагәрчиликкә җаваб қайтурғанлиқлирини қәйт қилди.