б д т русийәниң һуҗумлирида қаза қилған украина пуқралири санини елан қилди
24-февралдин буйан давам қиливатқан русийә-украина урушида 5100 украина пуқрасиниң һайатидин айрилғанлиқи елан қилинди.
түркийә авази радийоси хәвири: бирләшкән дөләтләр тәшкилати (б д т) баш катипиниң муавин байанатчиси фархан һәқ, б д т ниң нйу-йорктики баш оргинида өткүзүлгән мухбирларни күтүвелиш йиғинида сөз қилип, «москваниң украинаға қаратқан һәрбий һәрикити башланғандин буйан, 11 миң 800 дин артуқ пуқраниң оқ тегип йариланғанлиқини, уларниң ичидики һайатидин айрилғанлар саниниң 5100 дин ешип кәткәнлики»ни ейтти.
б д т кишилик һоқуқни көзитиш ишханиси, украинаниң һәрқайси җайлирида һазирғичә қаза қилған 5100 дин артуқ пуқраниң 346 иниң балилар икәнликини дәлилләп, «өлгән пуқралар сани техиму көп болуши мумкин» деди вә сөзини давамлаштуруп: «б д т пуқраларға қаритилған қалаймиқан һуҗум қилиш вәқәлириниң көпийишидин қаттиқ әндишә қилмақта. тоқунушуватқан тәрәпләр, украинадики пуқралар вә мәмурий ул әслиһәләрни қоғдаш үчүн хәлқара инсанпәрвәрлик қанунида көрситилгән мәҗбурийитини ада қилиши керәк» дегәнләрни қәйт қилди.
