йавропа йуқумниң йеңи долқуни тоғрисида агаһландурулди
йавропада ковид-19 йуқуминиң йеқинқи бәш һәптә ичидә уда көпийиватқанлиқи, нурғун дөләтләрниң алдини елиш тәдбирлирини әмәлдин қалдуруши билән бирликтә вирусниң йуқуш нисбитиниң өрләп кетидиғанлиқи оттуриға қойулди.
түркийә авази радийоси хәвири: дунйа сәһийә тәшкилати әмәлдарлири байанат елан қилип, нөвәттики ешишниң асаслиқ сәвәбиниң ковид-19 омикрон варийантиниң тармақ варийантлириниң бири болған BA.4 вә BA.5 типлириниң пүткүл йавропаға тәсир көрситип тез тарқилиши икәнликини оттуриға қойди.
байанатта, йавропа дөләтлириниң тәкшүрүш вә ген тәртипләш даирисини тарайтишиниңму йуқумлиниш әһвалиниң көпийишини кәлтүрүп чиқарғанлиқи, бу әһвалниң һәрқайси дөләтләрдики йуқумланғурчиларға алақидар һәқиқий учурларни игиләшкә тосалғу болуватқанлиқи әскәртилди.
байанатта йәнә, вирусниң үзлүксиз өзгириш йасишиға әгишип ваксина үнүминиң төвәнлишиниң йавропадики ковид-19 бимарлири саниниң көпийишидики йәнә бир сәвәб дәп көрситилди.
йавропа кесәлликләрниң алдини елиш вә контрол қилиш мәркизи әмәлдарлири болса, бир айдин көпрәк вақиттин буйан давамлишиватқан йуқумлиниш нисбитидики ешишниң, райондики дөләтләр үчүн «кәң даирилик ковид -19 долқуниниң башлиниши» болуп қалидиғанлиқи мөлчәрини оттуриға қойди.
مۇناسىۋەتلىك خەۋەرلەر
силовенийә пәләстинни етирап қилиду
силовенийәниң 13-ийунғичә пәләстин дөлитини етирап қилиш тоғрулуқ қарар чиқириши күтүлмәктә.
афғанистан сақчилири һуҗумға учриди
афғанистан бомбилиқ һуҗум қилиш вәқәси йүз берип, үч сақчи қаза қилди, бәш сақчи йариланди.