вухән вируси дунйа миқйасида қайтидин көпийишкә қарап йүзләнди

түркийә авази радийоси хәвири: дунйада 2022-йили марттин башлап азийишқа башлиған вухән вируси, ийун ейиниң иккинчи йеримидин тартип қайтидин көпийишкә қарап йүзләнди.

дунйа сәһийә тәшкилати елан қилған һәптилик доклатқа асасланғанда, өткән һәптә дунйа миқйасида 5.7 милйон киши вухән вируси билән йуқумланған. бу рәқәм илгирики һәптигә селиштурулғанда %6 ашқан.

йуқумлинишниң көпийишигә, омикрон варийантиниң тарқилиши тез болғанBA.4  вәBA.5 түрлириниң барғансери көпийишиниң сәвәб болғанлиқи тәхмин қилинмақта.

дунйа сәһийә тәшкилати йуқумлиниш көпийиватқан болсиму, вирусқа мунасивәтлик өлүм вәқәлириниң көпәймигәнликини билдүрди.

өткән һәптә дунйада вирусқа мунасивәтлик 9 миң 800 өлүм вәқәси көрүлгән, әмма бир илгирики һәптигә селиштурулғанда рәқәм охшаш болған.

районлар ара селиштурулғанда, вирусқа мунасивәтлик әң көп вәқә %28 лик нисбәт билән ғәрбий тинч окйан райони вә %25 лик нисбәт билән оттура шәрқтә көрүлгән. вирусқа мунасивәтлик вәқә африқада %33, шималий вә җәнубий америкада %1 азайған болса, шәрқий җәнубий асийада %5, йавропада %4 ашқан.

вирусқа мунасивәтлик һәптилик өлүм рәқәмлири оттура шәрқтә %78, шәрқий җәнубий асийада %23 ашқан болса, африқада %17, ғәрбий тинч окйанда 510, шималий, җәнубий вә оттура америкада %1 азайған. йаврода бу сан өзгәрмигән.

америка кесәлликләрни контрол қилиш вә алдини елиш мәркизи (CDC) 13-ийул (2022) байанат елан қилип, омикрон варийантиниңBA.4 вәBA.5түрлириниң дөләт ичидики вухән вирусиға мунасивәтлик вәқәләрдә %80 тин артуқини игәлләйдиғанлиқини билдүргән иди.

бу хил вәзийәт давамлашқан әһвал астида, дунйада күз айлирида вухән вирусиниң йеңи долқуниниң көрүлүш мумкинлики пәрәз қилинмақта.

дунйа сәһийә тәшкилатиниң баш катипи тедрос адханом өткән һәптә елан қилған байанатида, вухән вирусиниң давамлиқ «йәр шари характерлик җиддий әһвал» дәп бекитилидиғанлиқини уқтурған иди.