мексикада зәһәрлик чекимлик әткәсчиси каттивашлириниң бирси қолға чүшти
америка зәһәрлик чекимликни чәкләш идариси тәрипидин алдинқи қатарда тутуш буйриқи чиқирилған зәһәрлик чекимлик әткәсчилири каттивашлириниң бирси мексикида қолға елинди.
түркийә авази радийоси хәвири: америка даирилири тәрипидин узун йиллардин буйан җиддий тутуш хизмәтлири елип бериливатқан тәшкиллик җинайәт гуруһиниң рәһбәрлиридин бирси, синалоа иштатиниң чойкис базирида назарәткә елинди.
америка зәһәрлик чекимликни чәкләш идариси тәрипидин тутулған тәқдирдә 20 милйон доллар мукапат бериш вәдә қилинған рафаил каро куинтерони мексика бихәтәрлик қисимлири қолға чүшүрди.
америкаға тапшуруп берилиши мөлчәрлиниватқан куинтерониң мексикида болупму зәһәрлик чекимлик әткәсчилики қатарлиқ нурғун җинайәтләр билән сотлиниши тәхмин қилинмақта.
америкада алдинқи қатарда тутуш буйриқи чиқирилған 10 зәһәрлик чекимлик әткисичилирикаттивашлириниң бири сүпитидә көрситилгән куинтеро илгири мексикида 40 йиллиқ қамақ җазасиға һөкүм қилинған болуп, кейин 2013-йили 8-айда алий сотиниң қарари билән қойуп берилгән иди.
