сири ланка пирезиденти вәзиписидин истепа беридиғанлиқини билдүрди

түркийә авази радийоси хәвири: тарихидики әң еғир иқтисадий киризисқа қарши намайиш өткүзүлүватқан сири ланкада, баш министир ранил викремешиң вәзиписидин истепа беришкә тәййар икәнликини уқтуруп, бир нәччә саәт өткәндин кейин, намайишчилар баш министирниң туралғусиға кирип, бинаға от қойуп бәрди.

сири ланканиң һәрқайси җайлиридин кәлгән миңлиған намайишчилар, намайишлар сәвәбидин кәчтә кочиға чиқиш чәклимиси елан қилинған, кейинчә бикар қилинған пайтәхт коломбода, қара байрақ көтүргән һалда бир йәргә җәм болди.

сири ланка таратқулириниң хәвәр қилишичә, һөкүмәткә қарши йүзлигән намайишчилар, пирезидент готабайа раҗапаксаниң рәсмий туралғуси вә ишханиси җайлашқан қору әтрапидики тосақларни бөсүп өткән.

хәвәрдә дейилишичә, сири ланка пирезиденти готабайа раҗапакса, 13 – ийул күни вәзиписидин истепа беридиғанлиқини билдүргән.