австралийәниң сидней шәһиридә 85 миң киши тарқақлаштурулидиған болди
австралийәниң йеңи җәнубий велис иштатиниң пайтәхти сиднейда 30 - ийундин буйан давамлишиватқан шиддәтлик йамғур вә кәлкүн сәвәбидин шәһәр вә әтраптики районлардин 85 миң кишини тарқақлаштуруш қарари мақулланди.
түркийә авази радийоси хәвири: сиднейда йеқинқи күнләрдә йағқан қаттиқ йамғур сәвәбидин тосма вә өстәңләр тешип кетип, шәһәрниң көп қисми кәлкүнгә дуч кәлди.
йеңи җәнубий велис баш министири доминик перротетет кәлкүн сәвәбидин өйлири су астида қалған йаки хәтәр астида қалған 85 миң кишиниң тарқақлаштурулидиғанлиқини елан қилди.
мәсуллар түнүгүн 50 миң кишини тарқақлаштуруш буйруқи бәргәнликини, апәтниң тәсири күчийиши сәвәбидин тарқақлаштуруш буйруқиниң сидней вә униң әтрапидики районларда йашайдиған 85 миң кишини өз ичигә алидиған дәриҗидә кеңәйтилгәнликини билдүрди.
баш министир антоний албанис кәлкүнниң тәсиригә учриғучилар үчүн федератип йардәмләрниң әтә тәййар болидиғанлиқини елан қилди.
йеңи җәнубий велис иштатидатүнүгүн тәхминән 23 олтурақ район «апәт райони» дәп елан қилинған иди.
