америка түркийәгә F-16 сетип бериш мәсилисидики мәйданини йәнә бир қетим тәкитлиди

ақсарай байанатчиси карин жан пйер, түркийәгә F-16 типлиқ уруш айропилани сетип бериш мәсилисиниң бир нәччә айдин бери музакирә қилиниватқанлиқини, президент җо байдинниң бу сетишни қоллайдиғанлиқини билдүрди.

1852517
америка түркийәгә F-16 сетип бериш мәсилисидики мәйданини йәнә бир қетим тәкитлиди

түркийә авази радийоси хәвири: жан пйер күндилик мухбирларни күтүвелиш йиғинида демократлар партийәсиниң бир гуруппа әзалириниң <җов байдинниң алдинқи һәптә испанийәниң пайтәхти мадридта чақирилған шималий атлантик әһди тәшкилати — нато башлиқлар йиғинида даирисидә җумһур рәис рәҗәп таййип әрдоған билән көрүшкәндин кейин оттуриға қойған F-16 ларниң сетилиши тоғрисидики иҗабий байанлириға қаратқан тәнқиди һәққидә тохтилип, буниңға алақидар сөһбәтләрниң хелидин буйан давамлишиватқанлиқиға ишарәт қилған һалда: «бизниң F-16 тоғрисидики мәйданимиз наһайити ениқ. бу һәқтә бир нәччә айдин бери музакирә елип бериватимиз. байдин бу тәләпни һәқиқәтән қоллайду. униңдин йеңи бир нәрсә йоқ» деди.

мадридта өткүзүлгән нато башлиқлар йиғини җәрйанида җумһур рәис әрдоған билән көрүшкән байдин, 30-ийундики мухбирларни күтүвелиш йиғинида, вашингтонниң түркийәгә F-16 уруш айропилани сетип бериши керәкликини, буниң үчүн америка дөләт мәҗлисиниң тәстиқини алалайдиғанлиқини оттуриға қойуп: «мениң униңға (җумһур рәис әрдоғанға) дегәнлирим, декабирда ейтқанлирим билән охшаш. (түркийәгә) F-16 ларни сетип беришимиз, шундақла айропиланларни заманивийлаштурушимиз керәк. буни қилмаслиқ бизниң мәнпәәтимизгә мас кәлмәйду. мән декабирдин буйан мәйданимни өзгәртмигәнликимни, буниң бир бәдилиниң болушиниң шәрт әмәсликини, бизниң уни сетип беришимиз керәкликини дедим. буни қилиш үчүн еһтийаҗлиқ болғиним, дөләт мәҗлисиниң тәстиқи. бу тәстиқни алалаймиз, дәп қараймән» дегәниди.

америка авам палатасидики бир түркүм кеңәш палата әзалири түнүгүн байдинға мәктуп әвәтип, униң  түркийәгә F-16 уруш айропилани сетип беришни қоллаш қарарини тәнқид қилғаниди.



مۇناسىۋەتلىك خەۋەرلەر