малида мина партлаш вәқәси йүз бәрди
малиниң кидал районида, бирләшкән дөләтләр тәшкилати тинчлиқ сақлаш күчи әскәрлириниң әшйа оборот әтрити аптомобилниң йолдики минаға соқулуп кетиши нәтиҗисидә 2 әскәр һайатидин айрилди.
түркийә авази радийоси хәвири: бирләшкән дөләтләр тәшкилатиниң малидики көп тәрәплик бир гәвдиләштүрүш – муқимлаштуруш вакаләтханиси байанатчиси оливиер салгадо, аммиви ортақлишиш тор бети Twitter сәһиписидә елан қилған байанатида, б д т ниң малидики көп тәрәплик бир гәвдиләштүрүш – муқимлаштуруш вакаләтханисиниң тинчлиқ сақлаш күчи әскәрлириниң әшйа оборот әтрити аптомобилниң кидал районидики тесалит-гав ташйолидики минаға соқулуп кәткәнликини, қазада, 2 әскәрниң һайатидин айрилғанлиқини, 5 әскәрниң еғир йариланғанлиқини әскәртти.
игилинишичә, малиниң шимали вә ички қисмлирида турушлуқ бирләшкән дөләтләр тәшкилатиниң малидики көп тәрәплик бир гәвдиләштүрүш – муқимлаштуруш вакаләтханисида, 61 дөләттин 15000 дин артуқ әскәр вә сақчи вәзипә өтимәктә икән.
مۇناسىۋەتلىك خەۋەرلەر
исраилийә ливанға һава һуҗуми қозғиди
исраилийә армийәси ливанниң җәнубиға кәң көләмлик һава һуҗуми қозғиди.
