lawrow, ukrainadiki puqralar ölümining jawabkarining gherb ikenlikini ilgiri sürdi

rusiye tashqi ishlar ministiri sérgéy lawrow, donbas we ukrainaning bashqa rayonliridiki puqralarning ölüshining jawabkarining gherb ikenlikini ilgiri sürdi.

1852890
lawrow, ukrainadiki puqralar ölümining jawabkarining gherb ikenlikini ilgiri sürdi

türkiye awazi radiyosi xewiri: wiyétnamning paytexti xanoyda ziyarette bolghan sérgéy lawrow, wiyétnam tashqi ishlar ministiri bui tanx  son bilen körüshkendin kéyin muxbirlarning soallirigha jawab bérip, gherb döletlirining ukrainadiki urush sewebidin rusiyege jaza yürgüzgenlikini, bu jazagha qatnashmighan wiyétnamdin minnetdar ikenlikini bildürdi.

rusiyening bélgorod we kursk sheherlirige qilghan hujumi toghrisida toxtalghan lawrow, ukraina hökümitining «rusiye armiyesi gherb döletlirining ukrainagha qoral ewetishining aldini élish üchün öz sheherlirige hujum qildi» dégen bayanatigha baha bérip, «ular yalghan sözlewatidu. buninggha munasiwetlik mesililer hemmige ayan bolup, u pakitlarni rusiye dölet mudapie ministirliqi her küni élan qiliwatidu» dédi.

sérgéy lawrow sözini dawamlashturup: «gherb donbas we ukrainaning her qaysi jayliridiki puqralarning ölümining jawabkari ikenlikini tonup yétishi kérek. kiyéw hökümiti gherb teminligen qorallarni puqralarni qorqutush qorali süpitide ishlitiwatidu. bu dölet térrorluqidur» dégenlerni qeyt qildi.



مۇناسىۋەتلىك خەۋەرلەر