лавров, украинадики пуқралар өлүминиң җавабкариниң ғәрб икәнликини илгири сүрди

русийә ташқи ишлар министири сергей лавров, донбас вә украинаниң башқа районлиридики пуқраларниң өлүшиниң җавабкариниң ғәрб икәнликини илгири сүрди.

1852890
лавров, украинадики пуқралар өлүминиң җавабкариниң ғәрб икәнликини илгири сүрди

түркийә авази радийоси хәвири: вийетнамниң пайтәхти ханойда зийарәттә болған сергей лавров, вийетнам ташқи ишлар министири буи танх  сон билән көрүшкәндин кейин мухбирларниң соаллириға җаваб берип, ғәрб дөләтлириниң украинадики уруш сәвәбидин русийәгә җаза йүргүзгәнликини, бу җазаға қатнашмиған вийетнамдин миннәтдар икәнликини билдүрди.

русийәниң белгород вә курск шәһәрлиригә қилған һуҗуми тоғрисида тохталған лавров, украина һөкүмитиниң «русийә армийәси ғәрб дөләтлириниң украинаға қорал әвәтишиниң алдини елиш үчүн өз шәһәрлиригә һуҗум қилди» дегән байанатиға баһа берип, «улар йалған сөзләватиду. буниңға мунасивәтлик мәсилиләр һәммигә айан болуп, у пакитларни русийә дөләт мудапиә министирлиқи һәр күни елан қиливатиду» деди.

сергей лавров сөзини давамлаштуруп: «ғәрб донбас вә украинаниң һәр қайси җайлиридики пуқраларниң өлүминиң җавабкари икәнликини тонуп йетиши керәк. кийев һөкүмити ғәрб тәминлигән қоралларни пуқраларни қорқутуш қорали сүпитидә ишлитиватиду. бу дөләт террорлуқидур» дегәнләрни қәйт қилди.



مۇناسىۋەتلىك خەۋەرلەر