amérikada «musteqilliq küni» ni tebriklesh paaliyetliri ötküzüldi
amérika qoshma ishtatlirining 1776-yili engiliyedin musteqil bolghanliqini jakarlighanliqi munasiwiti bilen her yili 4-iyul ishqa ashurulidighan «musteqilliq küni» ni tebriklesh paaliyetliri «kowid – 19» yuqumidin kéyin tunji qétim cheklimilersiz ötküzüldi.
türkiye awazi radiyosi xewiri: paytext washingitonda ötküzülgen eneniwi étildaq étish paaliyetlirini oxshimighan jaylardin nechche onminglighan kishi kördi. amérika qoshma ishtatliri pirézidénti jo baydin bilen repiqisi jil baydinmu eskerlerning aile-tawabiatliri bilen birlikte aqsarayda ötküzülgen paaliyetke qatnashti.
baydin, bu yerde qilghan sözide, démokratiyeni qoghdashning zörürlükini eskertish bilen bir waqitta, amérika qoshma ishtatlirining herdaim öz yolida mangidighanliqini tekitlep mundaq dédi: «biz herdaim türlük sinaqlargha duch kelduq, emma héchqachan qiyinchiliqlardin qorqup, bashqa jaylargha ketmiduq. shuni alahide tekitlep ötimenki, erkinlik hem amérika qoshma ishtatlirida hem chet ellerde <hujum astida> turuwatidu. her küni démokratiyemiz toghrisida héchqandaq nersining kapaletke ige emeslikini xatirileymiz, buning üchün küresh qilishimiz, démokratiyemizni qoghdishimiz kérek.»
nutiqida yene, chikagodiki «musteqilliq künini» tebriklesh paaliyetliri dawamida yüz bergen qoralliq hujum toghriliqmu toxtalghan baydin, mundaq dep körsetti: «men bügün nurghun amérikaliqlarning etrapigha qarap, amérika qoshma ishtatlirining adettin tashqiri derijide bölünüp ketkenlikini körüwatqanliqini we buningdin endishe qiliwatqanliqini bilimen, men buni chüshinimen, emma biz nöwette bölünüshtinmu bekrek bir gewde halitidimiz.»
