lawrow moskwaning bulghariyege inkas qayturidighanliqini bildürdi
rusiye tashqi ishlar ministiri sérgéy lawrow, moskwaning bulghariyening 70 rus diplomatni chégradin qoghlap chiqirish qararigha inkas qayturidighanliqini uqturdi.
1851949
türkiye awazi radiyosi xewiri: rusiye tashqi ishlar ministiri sérgéy lawrow bilen rusiyede dölet ishliri ziyaritide bolghan wénézuéla tashqi ishlar ministiri karlos fariya paytext moskwadiki uchrishishtin kéyin qoshma muxbirlarni kütüwélish yighini ötküzdi.
sérgéy lawrow, bulghariyening rusiyening sofiyadiki elchixanisida ishleydighan 70 diplomatni «qarshi élinmaydighan kishi» dep élan qilish qarari toghrisida toxtalghan, bu qararning «qanunsiz» ikenlikini otturigha qoydi we sözini dawamlashturup: «ministirliqimizning muhakime qilishiche, elchixana nöwette normal xizmet qilalaydighan ehwalda emes. elwette, biz bulghariyelik kespdashlirimizgha inkas qayturimiz» dégenlerni qeyt qildi.
