خوڭكوڭدا چۆكۈپ كەتكەن خىتاي پاراخوتىدىكى 30 كىشىدىن 12 سىنىڭ جەسىتى تېپىلدى
خوڭكوڭ دېڭىز تەۋەلىكىدە ئىلگىرىلەۋاتقان ئەسنادا شىددەتلىك دېڭىز بورىغا دۇچ كېلىپ غەرق بولۇپ كەتكەن خىتاي بايراقلىق كىران ۋە قۇرۇلۇش مۇلازىمىتى پاراخوتىدىكىلەردىن 12 سىنىڭ جەسىتى تېپىلدى.
1852176
تۈركىيە ئاۋازى رادىيوسى خەۋىرى: خىتاينىڭ CCTV قانىلى، خوڭكوڭ دېڭىز قىرغىقىدىن 300 كىلومىتىر يىراقلىقتا چۆكۈپ كەتكەن خىتاي بايرىقى قادالغان «فۇجىڭ 1001» ناملىق كىران پاراخوتىنىڭ شىددەتلىك بوراندا ئىككىگە پارچىلىنىپ غەرق بولۇپ كەتكەنلىكىنى، پاراخوتىدىكى 30 كىشىدىن 12 سىنىڭ جەسىتىنىڭ تېپىلغانلىقىنى، خوڭكوڭ ئاۋىياتسىيە مۇلازىمىتى ئىدارىسىنىڭ 4 ئايروپىلان ۋە 6 تىك ئۇچار بىلەن 1300 كىلومىتىرلىق رايوندىكى ئىزدەش – قۇتقۇزۇش خىزمەتلىرىنى داۋاملاشتۇرۇۋاتقانلىقىنى، سائەتلىك سۈرئىتى 144 كىلومىتىرغا يەتكەن چابا بورىنىنىڭ ئىزدەش ئىزدەش - قۇتقۇزۇش خىزمەتلىرىنى قىيىنلاشتۇرۇۋەتكەنلىكىنى خەۋەر قىلدى.
