italiye bash ministiri türkiyede ziyarette bolidu

italiye bash ministiri mariyo diraghi jumhur reis rejep tayyip erdoghanning teklipige binaen ete türkiyede resmiy ziyarette bolidu.

1851722
italiye bash ministiri türkiyede ziyarette bolidu

türkiye awazi radiyosi xewiri: türkiye jumhuriyiti jumhur reislik mehkimisi uchur - alaqe ishliri idarisining bildürüshiche,  italiye bash ministiri mariyo diraghi, türkiye ziyariti dairiside ete jumhur reis rejep tayyip erdoghan bilen birlikte «3 – nöwetlik türkiye – italiye hökümetler ara bashliqlar yighini» gha riyasetchilik qilidiken.

munasiwetlik ministirlarning ishtirak qilishida ishqa ashurulidighan yighinda, türkiye – italiye munasiwetliri her jehettin közdin kechürülidiken, hemde ikki tereplik hemkarliqning chongqurlashturulushi üchün tashlinidighan qedemler heqqide muzakire élip bérilidiken.

diraghining uchrishishliri dairiside, istiratégiyelik hemrahliq we türkiyening shimaliy atlantik ehdi teshkilatidiki ittipaqdishi italiye bilen bolghan munasiwetliridin sirt yene, türkiye – yawropa ittipaqi munasiwetliri, rayonluq we xelqaraliq mesililer heqqide özara pikir almashturulidiken.



مۇناسىۋەتلىك خەۋەرلەر