shiwitsiye bash ministiri: «türkiye bilen tüzülgen kélishimge emel qilimiz»
shiwitsiye bash ministiri magdaléna andérson türkiye bilen tüzülgen kélishimge we térorchilarni ötküzüp bérish kélishimige emel qilidighanliqini éytti.
türkiye awazi radiyosi xewiri: magdaléna andérson elmedelén siyaset munbiride qilghan sözide, mezkur kélishimning ichki mezmuni heqqide melumat bermeydighanliqini tekitlep, «türkiye bilen tüzülgen kélishimge we térrorchilarni ötküzüp bérish kélishimige emel qilimiz» dédi.
andérson térrorluq paaliyetlirige arilashmighanlarning ensirimesliki kéreklikini bildürüp: «shiwitsiye puqrasi bolghanlar dölet qanuni we xelqara qanungha binaen ötküzüp bérilmeydu. eger térrorluq paaliyetlirige qatnashmighan bolsingiz, ensireshning hajiti yoq» dégen sözlerni ishletti.
andérson shiwitsiye we finlandiyening shimaliy atlantik ehdi teshkilatigha eza bolush jeryani toghrisida türkiye bilen aldinqi hepte ispaniyediki nato rehberliri yighinidin ilgiri imzalanghan üch terep shertnamisida, türkiyege chong yol qoyushlar bolghanliqi we ammining qattiq tenqidige uchrighanliqigha dair soalgha jawab bérishni ret qildi.
