аргентинаниң иқтисад министири вәзиписидин истипа бәрди

аргентинаниң иқтисад министири мартин гузман муавин пирезидент киристина кирчнерниң униңға қаратқан тәнқидлиридин кейин, вәзиписидин истипа бәргәнликини елан қилди.

1851175
аргентинаниң иқтисад министири вәзиписидин истипа бәрди

түркийә авази радийоси хәвири: гузман тивиттер һесабидики йазмисида, өзиниң истипа мәктубини пирезидент алберто фернандезға тапшурғанлиқини билдүрди.

гузман һөкүмәттә сийаси қоллашқа еришәлмигәнликини әскәртип, «аргентина меңиши керәклик йол тоғрисидики тәсәввуримға болған чоңқур ишәнч вә әқидәм билән техиму адил, техиму әркин вә техиму һоқуқлуқ бир  вәтән бәрпа қилиш үчүн давамлиқ тиришишни вә рол елишни давамлаштуримән» деди.

муавин пирезидент кирчнер түнүгүн елан қилған байанатида, министир гузманниң иқтисадий сийаситини тәнқид қилип, нөвәттики вәзийәттин рази әмәсликини билдүргән иди.

2019-йили 12-айдин бери иқтисад министирлиқи вәзиписини өтәп келиватқан гузман, хәлқара пул фонди тәшкилати билән аргентина оттурисида 28 – йанварда түзүлгән  келишимниң сөһбитигә рәһбәрлик қилған иди.

һөкүмәтниң солчи шериклири гузманни «бәк көп етибар беривәтти»  дәп әйибләп, хәлқара пул фонди тәшкилати  билән түзүлгән келишимни шундақла министир  гузманни тәнқид қилған иди.

 



مۇناسىۋەتلىك خەۋەرلەر