pakistanning sabiq bash ministiri imran xan hökümetke qarshi namayish ötküzdi

türkiye awazi radiyosi xewiri: pakistan dölet taratqulirining xewerliride, sabiq bash ministir we pakistan adalet herikitining rehbiri imran xanning rawalpindi shehiridin paytext islamabadqa qarap yürüsh bashlighanliqi bildürüldi.

imran xan islamabadning chiqish éghizidiki herbiy parat rayonida özini saqlawatqan qollighuchilirigha xitab qildi. birleshme hökümetke qaritip, «import qilinghan bashqurushni hergiz qobul qilghili bolmaydu»  dédi we muddettin ilgiri saylam ötküzüshning döletning menpeetige uyghun ikenlikini éytti.

imran xan shahbaz sherif we butto aililirige naraziliq bildürüp, ulargha «qul» dep baha berdi. döletning iqtisadiy ehwaligha mezkür aililerning jawabkar ikenlikini ilgiri sürüp,  amérikaning suyiqest arqiliq uni aghdurup tashlighanliqini we ornigha mezkur aililerni döletke tangghanliqini bildürdi. yene bir tereptin, saqchilar namayish rayonining kirish éghizida qoral élip kelgen bir kishini nazaretke aldi.

pakistan adalet herikitining qollighuchiliri imran xanning islamabadtiki namayishini döletning bashqa sheherliride qurulghan chong ékranlar arqiliq kördi.

pakistanda üch nöwet bash ministirliq wezipisini ötigen nawaz sherifning inisi shahbaz sherif 11 - aprélda parlaméntta ötküzülgen saylamda 174 bélet bilen mutleq köp sanliqning qollishigha ériship, bash ministirlikke saylanghan idi.

pakistan parlaméntida 10 - aprélda ötküzülgen ishench saylimi netijiside 174 béletke érishelmigen imran xanning hökümiti aghdurup tashlanghan idi.