assanjning adwokatliri yuqiri sotqa naraziliq erzi sundi
wikiléks tor bétining qurghuchisi julian assanj amérikagha ötküzüp bérish qararidin kéyin aliy sot mehkimisige naraziliq erzi sundi.
türkiye awazi radiyosi xewiri: 6-ayning 17-küni engliye ichki ishlar ministiri priti patél assanjni amérikigha ötküzüp bérish buyruqigha imza qoyghandin kéyin, assanjning adwokatliridin garét péyrs tünügün london aliy sot mehkimisige ikki ayrim naraziliq erzi sunghanliqini élan qildi, emma, u erznamining tepsilati heqqide melumat bermidi.
sot mehkimisi naraziliq erzige qarap chiqishni testiqlighandin kéyin, sotning yene bir qanche ay dawamlishish éhtimali barliqi ilgiri sürülmekte.
bu jeryanda, engliyening assanjni amérika ötküzüp qararigha qarshi paytext londonda aptobus bilen namayish ötküzüldi؛ paytextning simwolluq nersilirining biri bolghan kona qizil aptobusqa «assanjqa erkinlik», «axbaratchiliq jinayet emes» we «assanjni ötküzüp bermenglar» dégen xetler yézilghan lozunkilar ésildi.