lawrow: natoning heriketliridin éghir endishe hés qilimiz

türkiye awazi radiyosi xewiri: u rusiye bilen bélarusiye otturisida diplomatik munasiwet ornitilghanliqining 30-yilliqi munasiwiti bilen, bélarusiye paytexti minskni ziyaret qildi.

u bélarusiye tashqi ishlar ministiri wladimir makéy bilen körüshkendin kéyin ötküzülgen axbarat élan qilish yighinida muxbirlarning soallirigha jawab berdi.

u: «natoning chégralirimizning etrapidiki, bolupmu baltiq döletliri we polshadiki heriketliridin éghir endishe hés qilimiz. bizning ortaq qarishimiz shuki, bu xil heriketler emeliyette ochuq-ashkara qarshilishish bolup, yawropa xewpsizlik mesiliside yirikchilikning téximu éshishini we parchilinishni keltürüp chiqiridu» dédi.

u buning, yawropa xewpsizlik ittipaqi teshkilati 1990-yillarning axirida we 2010-yilda élan qilghan «xewpsizlikning parchilanmasliq pirinsipi» ni buzghanliqini eskertip: «gherb shundaq qilip, <héchqandaq dölet özining bixeterlikini bashqilarni xeterge ittirish bedilige küchlendürmesliki kérek> dégen pirinsipni emeliy heriketliri bilen buzup tashlidi» dédi.