chipras: girétsiye hökümiti nato bashliqlar yighinida éghir diplomatik meghlubiyetke uchridi
girétsiyediki namliq asasliq öktichi partiyening rehbiri alékis chipras, girétsiye hökümitining nato bashliqlar yighinidiki tashqi siyasitining meghlup bolghanliqini ilgiri sürdi.
türkiye awazi radiyosi xewiri: girétsiyediki <radikal solchilar ittipaqi> namliq asasliq öktichi partiyening rehbiri alékis chipras, girétsiye hökümitining ispaniyening paytexti madridta ötküzülgen shimaliy atlantik ehdi teshkilati — nato bashliqlar yighinidiki tashqi siyasitining meghlup bolghanliqini, türkiyening toluq qollap – quwwetlengenlikini éytti.
alékis chipras girétsiye OPEN téléwiziyesining söhbet pirogrammisida, girétsiyening madridta ötküzülgen nato bashliqlar yighinidiki diplomatiye siyasiti heqqide toxtilip, amérika pirézidénti jo baydinning türkiyege F-16 tipliq urush ayropilani sétip bérish mesilisige tutqan ijabiy pozitsiyesiningmu michotaks hökümitining meghlubiyiti ikenlikige isharet qilghan halda: «bashliqlar yighinida körgenlirimiz bizni endishige sélishi kérek. mesile yalghuz F-16 larning sétilishi mesilisi emes, türkiyeni omumyüzlük qollash mesilisi» dédi.
bashliqlar uchrishishi we türkiyening ege déngizidiki sayahet paaliyitide ishlitiwatqan «TurkAegean» éniqlimisining yawropa teripidin tizimgha élinishi toghrisida toxtalghan chipras, «biz échinishliq diplomatik meghlubiyetke uchriduq. eger men bash ministir bolup, bu ishlar yüz bergen, uning üstige «TurkAegean» éniqlimisining türkiye teripidin élan markisi süpitide tizimlitilghan bolsa, men madridtin piyade qaytip kelgen bolattim» dégenlerni qeyt qildi.