zéléniskiy: 144 eskirimizni ruslarning asaritidin qutuldurduq

türkiye awazi radiyosi xewiri: ukraina pirézidénti wiladimir zélénskiy sin körünüshlük uchur tarqitip, özining «ümidwarliq béghishlaydighan muhim bir uchur»ni ortaqlishishni xalaydighanliqini bildürüp: «144 ukraina eskirini rusiyening asaritidin qutuldurduq. bularning ichide 59 neper dölet muhapizetchisi, 30 neper déngiz armiyesi eskiri, 17 neper chégra muhapizetchisi, toqquz neper térrorizmgha qarshi küresh qisimliri eskiri we bir saqchi bar» dédi.

qutquzuwélinghan eskerlerning eng chongining 65 yash, eng kichikining 19 yash ikenlikini bildürgen ukraina rehbiri zélénskiy: «bolupmu 95 azowtsal qoghdighuchisi yurtigha qaytidu. biz her bir ukrainaliqni öyige qayturup kélish üchün barliq tirishchanliqlarni körsitimiz» dégenlerni qeyt qildi.

ukraina dölet mudapie ministirliqi istixbarat bölümi, tünügün urush bashlanghan 24-féwraldin buyanqi rusiye bilen ukraina otturisidiki eng chong esir almashturushning ishqa ashurulghanliqini, bu dairide 95 i azowtsal zawutidiki eskerler bolup jemiy 144 neper ukraina eskirining tapshurup élinghanliqini uqturghanidi.