lawrow qararlarni zéléniskiy emes, amérikaning chiqiriwatqanliqini ilgiri sürdi

türkiye awazi radiyosi xewiri: kaspiy déngizi döletliri tashqi ishlar ministirliri yighinigha ishtirak qilish üchün türkmenistanning paytexti ashxabatqa barghan sérgéy lawrow, muxbirlarning soallirigha jawab bérip, gherb döletliri rehberlirining «rusiyening shertlirige asasen ukrainada tinchliqni ishqa ashurushqa bolmaydu» dep bayanat bergenlikini hemde gherb döletlirining ukrainagha qoral ewetishni dawamlashturuwatqanliqini éytti.

u, gherbning bu yönilishtiki pozitsiyesining «ünümsiz» we «ziyanliq» ikenlikini tekitlep: «gherb döletliri ukrainagha qanche köp qoral ewetse, bu toqunush we qollashqa érishiwatqan natsist hakimiyetning kürishi shunche uzun dawamlishidu» dédi.

lawrow, «zélénskiy shimaliy atlantik ehdi teshkilati — natoning qollishidin ümidwarmu?» dégen soalgha «zélénskiyning némilerni oylighanliqi we némilerni ümid qilidighanliqi peqetla muhim emes. chünki, u qarar chiqarghuchi emes. qarar washingtonda chiqirilidu. bu qararlar hetta pirézidéntliq derijisidimu chiqirilmaydu. ularni tashqi ishlar ministirliqi xadimliri chiqiridu» dep jawab berdi.

hindonéziyening sahibxanliqida chaqirilidighan 20 dölet guruhi bashliqlar yighinigha zélénskiyning qatnishish éhtimalliqi toghrisida toxtalghan lawrow: «nöwette héchqandaq yighin zélénskiysiz ötküzülmeydu. ukraina hökümiti bu ishlarda ching turmaqta. biz zélénskiyning bali arilidiki uchrishishning bir bolungida aylinip yürüp – yürmesilikige köngül bölmeymiz» dégenlerni sözlirige ilawe qildi.